Մինչև ընթացիկ ամսվա ավարտը Բրազիլիայում կկայանա վերակառուցված «Մարականա» մարզադաշտի բացման արարողությունը: Այդ մասին տեղեկացնում է Goal.com-ը: Մարզադաշտը, որտեղ կկայանան 2013թ. Կոնֆեդերացիայի գավաթի խաղարկության և Մունդիալ-2014-ի խաղերը, ամենայն հավանականությամբ, կրկին կփակվի:
Պատճառն այն է, որ մարզադաշտը չի համապատասխանում Միջազգային օլիմպիական կոմիտեի պահանջներին: Մարզադաշտի տանիքը կարող է կրել 81 տոննա ծանրություն` 120 տոննայի փոխարեն:
Բացի այդ, կոմիտեին չի գոհացրել մարզադաշտի առևտրի կենտրոնների ու ավտոկայանատեղիի դիրքը: Այսպիսով` «Մարականա»-ն, որտեղ պետք է անցկացվեին նաև 2016թ. Օլիմպիական խաղերը, 2014թ. Մունդիալից հետո կրկին փոփոխություններ կկրի:
