ՖԻՖԱ-ի նախկին փոխնախագահ, տրինիդադցի Ջեք Ուորները խոստացել է պատմել ամենը, ինչ իրեն հայտնի է կազմակերպության կոռումպացվածության մասին: Նա նշել է, որ վախենում է կյանքի համար, բայց իր փաստաբաններին կհաղորդի ամբողջ տեղեկատվությունն ու կփոխանցի փաստաթղթերը՝ խնդրելով դրանք հանձնել իրավապահ մարմիններին:
Նա նշել է, որ ունի փաստաթղթեր կապված կազմակերպության ֆինանսական գործուներության հետ, որը հետաքննություն իրականացնող ԱՄՆ-ի իրավապահ մարմիններին լրացուցիչ օգնություն կլինի կեղծիքը բացահայտելու ճանապարհին:
«Այժմ չեմ շեղվի ճանապարհից, որտեղ հայտնվել եմ: Լռել եմ, վախենալով, որ այս օրը վաղ թե ուշ կգա: Այլևս չեմ լռելու: Չեմ պահպանելու նրանց գաղտնիքները, ովքեր փորձում են ակտիվորեն ոչնչացնել երկիրս:
Իրականում վախենում եմ կյանքիս համար: Ներողություն եմ խնդրում, որ այդ տեղեկատվությունը չեմ հրապարակել ավելի վաղ: Նույնիսկ մահը չի կանգնեցնի հողմը, որը հասունանում է: Բլատերը գիտի՝ ինչու է ընկել»:
Ուորներն այն պաշտոնյաների թվում, որոնց ԱՄՆ-ի արդարադատության նախարարության աշխատակիցները մեղադրում են կոռումպացվածության մեջ: Ենթադրվում է, որ նա կրիմինալ խմբավորման անդամ է, որը մոտ 150 մլն դոլար կաշառք է ստացել: Ուորները բազմաթիվ խարդախությունների մեջ է մեղադրվում:
