Նոյեմբերի 20-29-ը Կիպրոսի Լիմասոլ քաղաքում զուգահեռաբար անցկացվելու են մինչև 20 և մինչև 23 տարեկանների ծանրամարտի Եվրոպայի առաջնությունները ,որոնց ըստ նախնական հայտերի պատրաստվում են մասնակցել 33 երկրի 364 մարզիկ (227 ծանրորդ, 137 ծանրորդուհի):
Բնականաբար մարզաձևի ներկայցուցիչների համար մրցաշրջանի եզրափակիչ ակորդը համարվող կարևոր այս ստուաատեսին մասնակցելու են նաև Հայաստանի ուժեղագույն երիտասարդ ծանրորդները, որոնցից սովորկանի նման ակնկալիքները շատ մեծ են: Հուսով ենք նրանք հուսախաբ չեն անի ու կուրախացնեն իրենց նոր նվաճումներով:
Ծանրամարտի Հայաստանի պատվիրակությունն այսօր մեկնել է մրցավայր:
Մրցումները կսկսվեն նոյեմբերի 23-ից: Ստուգատեսի 1-ին օրը ժամը 12-ին և 16:30-ին մինչև 20 տարեկան աղջիկների 48 կգ և 53 կգ, իսկ ժամը 14:30-ին և 18-ին նույն տարիքային խմբի տղաների ՝ 56 կգ և 62 կգ քաշային կարգերի ուժեղագույնների՝ Ա խմբի մասնակիցները կվիճարկեն առաջնության առաջին մեդալները: ժամը 20:30-ին կկայանա առաջնություների հանդիսավոր բացումը:
Նոյեմբերի 24-ին մրցապայքարի ոլորտ կներգրավվեն նաև մինչ 23 տարեկան մարզիկները: Տեղական ժամանակով ժամը 11-ին պայքարն կսկսեն տղամարդկանց 77 կգ քաշային կարգի Բ խմբի մասնակիցները: Ժամը 13-ին, 15-ին և 19-ին մեդալներ կվիճարկվեն տղմարդկանց ՝ 56 կգ, 62 կգ և 69 կգ քաշային կարգերի Ա խմբի մասնակիցները , իսկ ժամը 16:30-ին էլ կանանց 48 կգ և 53 կգ քաշային կարգերի Ա խմբի մասնակիցները:
Մրցաշարի վերջին օրը՝ նոյեմբերի 29-ին, ըստ ժամանակցույցի ժամը 9:00-ին և 13-ին մեդալներ կխաղարկեն մինչև 23 տարեկանների տղամարդկանց մրցաշարի 105 և +105 քաշային կարգերի Ա խմբի մասնակցիները, իսկ ժամը 11:30-ին էլ նույն տարիքային խմբի կանանց +75 կգ քաշային կարգի Ա խմբի մասնակիցները: Ժամը 20-ին կկայանա երկու առաջնությունների փակման հանդիսավոր արարողությունը:
Հավելենք, որ Լիմասոլում Հայաստանի պատվիրակների թվում են բոլորովին վերջերս Ալմաթիում ընթացած մեծահասակների առաջնության մասնակիցներ ՝ Նանկինի պատանեկան ամառային օլիմպիական խաղերի մեր երկու հերոսները ՝ այդ խաղերում չեմպիոնի տիտղոսը նվաճած 17-ամյա ծանրորդներ Հակոբ Մկրտչյանն ու Սիմոն Մարտիրոսյանը, ովքեր մասնակցելու մինչև 20 տարեկանների առաջնության համապատասխանաբար 77 կգ և +105 կգ քաշային կարգերում:
Նրանցից բացի մեդալներ են անկնկալվում անկասկած մինչև 23 տարեկանների առաջնության մասնակից, արդեն բավական փորձառու և տիտղոսակիր 56 կգ քաշային, 21-ամյա Սմբատ Մարգարյանից, ինչպես նաև այստեղ մինչև 20 տարեկան աղջիկների 63 կգ քաշայինների մրցապայքարին մասնակցել պատրաստվող 19-ամյա Իզաբելա Յայլյանից:
Տեղեկացնենք նաև, որ Հայաստանի պատվիարկներից բացի ստուգատեսին հայտավորվել են նաև 3 սփյուքահայ մարզիկներ: Ռուսաստանը ներկայացնող 19-ամյա Անի Սարգսյանը ելույթ է ունենալու մինչև 20 տարեկան աղջիկների 69 կգ քաշային կարգում և համարվում է մեդալի հավակնորդ: Նրա համերկրացի, 21-ամյա Վանիկ Մկրտումյանը հանդես է գալու մինչև 23 տարեկանների 56 կգ քաշային կարգում, իսկ նույն տարիքային խմբի կանանց մրցաշարում 22-ամյա Մարիա Խլյանն էլ 69 կգ քաշային կարգի ծանորդուհիների շարքում պաշտպանելու է Ուկրաինայի մարզական պատիվը:
Հայաստանի ծանրամարտի ֆեդերացիայի մամլո ծառայություն