Սուպերմիջին քաշային կարգում WBO վարկածով աշխարհի չեմպիոն Արթուր Աբրահամն այսօր հանդիպեց լրագրողների հետ.
«Շատ ուրախ եմ, որ Հայաստանում եմ: Օգոստոսի 25-ին դարձա սուպերմիջին քաշային կարգի աշխարհի չեմպիոն: Երբ լավագույնն ես, միշտ երջանիկ ես: Շտիգլիցն աշխարհի չեմպիոն էր, և նրան չի կարելի թերագնահատել: Ընդհանրապես, կարծում եմ, որ ոչ մի մարզիկի չի կարելի թերագնահատել: Իսկ Բուադլայի հարվածները շատ ծանր էին: Նա մի քանի հարվածներ հասցրեց կողոսկրերիս, որից հետո ես հասկացա, որ պետք է տարածություն պահպանեմ և խուսափեմ մերձամարտից: Շտիգլիցի հետ նախապես ստորագրած պայմանգիր ունենք, որ անկախ այդ մենմարատի արդյունքից, պետք է լինի նաև ռևանշ: Իմ և Կելլի Պավլիկի պրոմոութերների միջև բանակցություններ եղել եմ մենամարտ կազմակերպելու նպատակով, սակայն ինձ համար առաջնայինը Շտիգլիցի դեմ մենամարտն է:
Հայաստանում պրոֆեսիոնալ բռնցքամարտը զարգացած չէ: Դա շատ բարդ պրոցես է: Մենք ունենք լավ մարզիկներ, բայց համակարգը դեռ զարգացած չէ: Պրոֆեսիոնալ բռնցքամարտի զարգացումը կապված է խոշոր գումարների հետ: Հեռուստաընկերություններ դերը նույնպես շատ մեծ է: Գերմանիայում գտնվող մեր ակումբը տեղի կենտրոնական հեռուստաընկերություններից մեկից ստանում է 51 մլն եվրո՝ 3 տարվա դիմաց:
2013թ. պատրաստվում եմ ամուսնանալ:
