Ռուսաստանի և Արևմուտքի միջև ներկայիս հակասությունները պետք չէ նոր «սառը պատերազմ» անվանել, չէ որ ներկայիս ճգնաժամն իր խորությամբ և ծավալներով հազիվ թե համեմատվի այն հակասության հետ, որը գերիշխում էր միջազգային հարաբերություններում XX դարի երկրորդ կեսին: Այս մասին գրում է Foreign Affairs ամերիկյան պարբերականը:
Սակայն, միաժամանակ դաժան իրականությունն այնպիսինն է, որ անկախ Ուկրաինայում ճգնաժամի արդյունքներից Ռուսաստանի հարաբերությունները ԱՄՆ-ի և Եվրոպայի հետ այլևս նախկինը չեն լինի`ինչպես դա եղավ 2008-ին վրաց-օսեթական հակամարտությունից հետո:
Վերջին 5-6 տարիների ընթացքում ռուս-ամերիկյան համագործակցությունը բավականին լավ արդյունքների է հասել: Ամսագիրը, սակայն նշում է, որ այժմ նման հույս չկա: Այսօր Ռուսաստանը և Արևմուտքը հակառակորդներ են:
Նոր «սառը պատերազմը» զգալիորեն կտարբերվի օրիգինալից, սակայն միևնույն է, ավերիչ կլինի: Այն չի կլանի ողջ գլոբալ համակարգը: Զգալի շրջաններ` ինչպես Չինաստանը և Հնդկաստանը կխուսափեն դրանից: Նոր միջուկային արմագեդոնի վտանգ չի լինի: Սակայն, Ռուսաստանի` Արևմուտքից օտարացումը շատ կարևոր գործոն կդառնա միջազգային հարաբերություններում, իսկ Եվրոպայի կենտրոնում անվտանգության ճգնաժամը կարող է կրկին միջուկային պատերազմի վտանգի վերաճել: Ուստի, Մոսկվայի և Վաշինգտոնի գլխավոր նպատակները պետք է դառնան հակամարտությունը նվազագույնին հասցնելը, դրա հետևանքներից խուսափելու համար: