Տավուշի մարզի սահմանամերձ Դովեղ համայնքում բնակիչները հակառակորդից չեն վախենում: Ադրբեջանը գյուղի ուղղությամբ՝ բնակելի տների վրա, կրակում է խոշոր տրամաչափի զենքով, բայց գյուղի բնակիչները չեն պատրաստվում իրենց տները թողնել: Բնակիչները «Առաջին լրատվական»-ին վստահեցրին՝ Հայոց բանակը կարողանում է հակառակորդին լռեցնել։
«Ես դարձյալ հպարտություն ապրեցի, մենք ունենք այն բանակը, որն արաժանիորեն հակահարված տվեց հակառակորդին ոչ միայն համարժեք պատասխանով, այլև սա, կարող եմ ասել, բավական դաստիարակչական էր»,- «Առաջին լրատվական»-ի հետ զրույցում նշեց համայնքի ղեկավար Սամվելը Գորգինյանը՝ հավելելով, որ Ադրբեջանը պարբերաբար խոսում է զենք ձեռք բերելու մասին, բայց հիմա համոզվեց, որ զենքը պիտանի է հայրենասեր, արի զինովորների համար: Վերջին երկու օրերին գյուղում կրակոցները դադարել են:
«1990-ականներին՝ պատերազմի թեժ ժամանակ, մի հատ հրացանով եթե գյուղը լքողներ չեն եղել, հիմա էլ չենք պատրաստվում գնալ։ Ինչո՞ւ պիտի գնանք։ Մնացել ենք, էստեղ ենք, պայքարում ենք և կպայքարենք»,- ասացին գյուղացիները:
Օրինակ՝ Մեհրաբյան Շիրազը սահմանին կից դաշտերից մեր նկարահանման ժամանակ արդեն իսկ բերքը բերում էր տուն. «Կարտոշկան ենք հավաքել, չենք վախենում, մեր գյուղատնտեսական աշխատանքներն անում ենք, գյուղը լքողը չենք»,- վստահեցրեց նա:
Գյուղի երիտասարդները ևս ասում էին, որ գնալու տեղ ունեն, բայց չեն հեռանալու և հարկ եղած դեպքում միանալու են սահմանապահ զինվորներին:
Համյանքում նաև մանրամասնեցին, որ անվտանգության որշակի միջոցառումներ ձեռնարկում են, ուշադիր են լինում, բայց տագնապ չկա:
Առավել մանրամասն ՝տեսանյութում։