Մոլդովայի խորհրդարանի շենքի առջևի հրապարակում հանրահավաքի են դուրս եկել իշխող կոալիցիայի կազմի մեջ մտնող կուսակցությունները՝ հաջակցություն ԵՄ-ի հետ ասոցացման մասին համաձայնագրի վավերացման: Հրապարակում հանրահավաքի են դուրս եկել նաև ասոցացման հակառակորդները: Այս մասին հայտնում է RIA Novosti-ն:
Մոլդովայի խորհրդարանն այսօր հատուկ նիստի է հավաքվել, որի ընթացքում կվավերացնի ԵՄ-ի հետ ասոցացման մասին համաձայնագիրը: Վավերացման համար անհրաժեշտ է 53 ձայն: Իշխող եվրոպամետ կոալիցիան 54 պատգամավորական մանդատ ունի:
Մոլդովան ու Վրաստանը հունիսի վերջին Բրյուսելում ստորագրեցին ԵՄ-ի հետ ասոցացման մասին համաձայնագիրը, որը նախատեսում է մուտք դեպի ԵՄ ազատ առևտրի գոտի:
Քիշնևում արդեն մեկ ամիս բողոքի ակցիաներ են անցկացվում ընդդեմ համաձայնագրի ստորագրման: Ցուցարարների հիմնական պահանջն է համազգային հանրաքվեի անցկացումը՝ ուղղված պետության զարգացման աշխարհաքաղաքական վեկտորի ընտրությանը:
