Հույն ոստիկանը հայտնվել է Գինեսի ռեկորդների գրքում 27 սպորտաձևերում մրցավար լինելու արտոնագիր ունենալու համար: Այս մասին հաղորդել է հունական Skai հեռուստաալիքը:
Նրա տվյալներով՝ 29-ամյա Անդրեաս Կոլետիսն աշխատում է որպես ոստիկան և միաժամանակ մարզում է Հատուկ օլիմպիական խաղերի համար Հունաստանի ծանր ատլետիկայի հավաքականը:
Ռեկորդակիրը մրցավարի արտոնագիր ունի հետևյալ մարզաձևերում՝ ծանր ատլետիկա, բադմիտոն, բասկետբոլ, ծովափնյա հանդբոլ, ծովափնյա թենիս, ծովափնյա վոլեյբոլ, ֆուտբոլ կույրերի համար, բռնցքամարտ, բրիջ, շախմատ, բիատլոն, տրիատլոն, սուսերամարտ, ֆուտբոլ, մինի ֆուտբոլ, սպորտային ժայռագնացություն, պարատրիատլոն, առագաստային սպորտ, սպորտային ձկնորսություն, լող, սինխրոն լող, թենիս, սեղանի թենիս, ստորջրյա հրաձգություն թիրախին, վոլեյբոլ, ու-շու և քունգ-ֆու մենամարտ, մոտորային ռալի:
