Մեքսիկայի ազգային հավաքականի նախկին դարպասապահ Խորխե Կամպոսը գովեստի խոսքեր է հղել Իկեր Կասիլյասին:
«Կասիլյասն աշխարհի լավագույն դարպասապահն է: Ռեֆլեքսները և ռեակցիան, որոնց նա տիրապետում է, նրան բացառիկ են դարձնում:
Նա իսկական առաջատար է թե´ խաղադաշտում, թե´ դրա սահմաններից դուրս: Կասիլյասն իր թիմին օգնության է հասնում ամենաբարդ իրադրություններում: Չնայած իր ձեռքբերումներին` Կասիլյասը հիանալի անձնավորություն է: Նա վաստակել է համաշխահային փառք և ճանաչում: Երիտասարդ դարպասապահները շատ բան կարող են սովորել նրանից»,- հայտարարել է Խորխե Կամպոսը:
Բացի այդ՝ մեքսիկացին մեկնաբանել է նաև Մադրիդի «Ռեալ»-ի դարպասապահների մարզիչ Սիլվինո Լոուրայի և թիմի գլխավոր մարզիչ Ժոզե Մոուրինյոյի աշխատանքը:
«Սիլվինոն հիանալի աշխատանք է կատարում: Ես վաղուց եմ նրան ճանաչում, վստահ եմ, որ նա շատ բան կարող է սովորեցնել «Ռեալ»-ի դարպասապահներին:
Ինչ վերաբերում է Մոուրինյոյին, ապա նա բարձրակարգ մարզիչ է և հիանալի է աշխատում թիմի հետ»,- իր խոսքը եզրափակել է Կամպոսը:
