Ուկրաինայի օլիմպիական պատվիրակության շտաբը ХХХ Ամառային Օլիմպիադայի հանձնաժողովին կոչ է արել անհապաղ ուղղել պաշտոնական խաղերի մասնակից ռուս մարզիկների անձնական տվյալները, հինգշաբթի հայտնել է «Ինտերֆաքսը»:
Ըստ հաղորդագրության` ռուսական թիմի մի քանի մարզիկների ծննդավայրերը սխալ են գրանցված:
Մարզիկների տվյալներում սխալներին ուշադրություն են դարձրել ԶԼՄ-ները:
Թե որ ատլետների մասին է խոսքը` Ուկրաինան չի պարզաբանել:
Ավելի վաղ Վրաստանի օլիմպիական կոմիտեն դիմել է Օլիմպիադա-2012-ի կազմակերպիչներին` երկու ռուս մասնակիցների տվյալները ճշգրտելու պահանջով, որոնք ծնվել են Հարավային Օսեթիայում և Աբխազիայում:
Մարզիկների պաշտոնական կայքում զգուշացում կա, որ նրանց տվյալները վերջնական չեն և կարող են փոփոխվել: