Աղքատության մակարդակն ԱՄՆ-ում կբարձրանա ռեկորդային մակարդակի` թույլ տնտեսության ու ֆինանսական ճգնաժամի ֆոնի պայմաններում: Այս մասին հայտնում է Associated Press գործակալությունը` հարցում անցկացնելով ավելի քան 10 տնտեսագետների շրջանում, որոնք հարում են թե՛ պահպանողական, թե՛ լիբերալ հայացքների:
Մասնագետները կանխատեսում են, որ ԱՄՆ-ում աղքատության պաշտոնական մակարդակը մոտ ապագայում կբարձրանա 2010թ. գրանցված 15.1 տոկոսից` մինչ 15,7 տոկոսի:
Այդ ցուցիչը առավելագույնը կլինի 1960-ականների աղքատության ժամանակից ի վեր:
Ընդ որում` հարցված մասնագետների մեծ մասը տարբեր կարծիքներ ունեն այն հարցի վերաբերյալ` կբարձրանա՞ արդյոք աղքատության ցուցանիշն ավելի շատ:
Նրանց կանխատեսումների համաձայն` աղքատությունը կպատուհասի տարբեր խավի մարդկանց: Մասնագետները նկատում են, որ աղքատության նոր ալիքը կմաքրի այդ սոցիալական երևույթի դեմ պայքարի դրական ազդեցությունը, որն անցկացրել էր նախագահ Լինդոն Ջոնսոնի ադմինիստրացիան 1963-1967թթ.:
Ինչպես ավելի վաղ հաղորդվում էր, 2010թ. ԱՄՆ-ում բնակվում էր 46 մլն աղքատ, ինչն 0.8 տոկոսով ավելի էր 2009թ. համեմատ:
