Լոնդոնյան տաքսու վարորդը առաջարկել է հյուրանոցների համարաների անբավարարության խնդրի լուծում, որի հետ շատ զբոսաշրջիկներ բախվելու են Օլիմպիական խաղերի ընթացքում:
Ինչպես այսօր գրում են բրիտանական լրատվամիջոցները` հնարամիտ վարորոդներն իրենց ավտոմեքենան հյուրանոցի են վերածել ` նրանց մեջ տեղադրելով մի տեղանի հարմարավետ մահճակալ, որը ծածկված է բրիտանական դրոշը պատկերող վերմակով: Այս ամբողջ հաճույքը կարժենա 50 ֆունտ ստեռլինգ` գրեթե 70 դոլար:
Տաքսու վարորդները որոշել են նման քայլի գնալ՝ վախենալով խաղերի օրերին առանց աշխատանքի մնալուց, քանի որ ճանապարհները կարող են չափից դուրս ծանրաբեռնված լինել:
Հուլիսի 16-ից Օլիմպիական խաղերի ամբողջ ընթացքում բրիտանական մայրաքաղաքի ողջ տարածքում գործելու է օլիմպիական ուղղությունների ցանցը՝ հատուկ ճանապարհային գծերով, որոնք Հիթրոու օդանավակայանից ձգվում են մինչև քաղաքի կենտրոն: Այսպես մայրուղիներից մեկի այդ գիծը սովորական քաղաքային երթուղային տրանսպորտների համար փակվելու է 05:00 – 22:00-ն: Պատահական կամ մտադրված այդ գիծ ներթափանցող վարորդը կտուգանվի 130 ֆունտ ստեռլինգով: Այնտեղ կայանված ավտոմեքենաները կտարվեն տուգանային հրապարակ, դրա հետ մեկտեղ, վարորդը մեծ տուգանք կվճարի:
