Սիրիայի նախագահ Բաշար ալ-Ասադը վերջին երկու օրվա ընթացքում առաջին անգամ հայտնվել է պետական հեռուստատեսության եթերում: Այս մասին հայտնել է Agence France-Presse-ը:
Հեռուստահաղորդավարի մեկնաբանությունից պարզ է դարձել, որ Սիրիայի նախագահն ընդունել է երկրի նոր պաշտպանության նախարարի` Ֆահադ Ջասիմ ալ-Ֆրեիջի երդումը: Երդման արարողությունը եղել է համեստ և տևել է մի քանի րոպե:
Շինության ներքին հարդարումից դատելով` Ասադն իսկապես գտնվում է Դամասկոսի իր պալատում, այլ ոչ թե Լաթաքիայում, ինչպես ավելի վաղ հայտարարել էին ապստամբների առաջնորդները:
Ավելի վաղ ՌԴ-ում Սիրիայի դեսպան Ռիյադ Հադդադը հերքել է այն լուրերը, թե նախագահ Բաշար Ալ-Ասադի կինը՝ Ասմա Ասադը, Մոսկվայում է: Բացի այդ՝ նա ասել է, թե իր տեղեկություններով՝ Ասադը նույնպես գտնվում է Դամասկոսում և ոչ թե Լաթաքիայում:
Դրա հետ մեկտեղ Դամասկոսի փողոցներում շարունակվում են մարտերը զինված ընդդիմության և կառավարական զորքերի միջև:
