Հայաստանի ազգային հավաքականի և «Շախտյոր»-ի կիսապաշտպան Հենրիկ Մխիթարյանը, ով «գոլ+փոխանցում» համակարգում իր հաշվին գրանցել է 4 միավոր առաջին տուրի շրջանակներում «Արսենալ»-ի հետ կայացած խաղում, հարցազրույց է տվել СЭ-ին:
– Անցյալում Դուք երբևե անցկացրե՞լ եք այսքան արդյունավետ հանդիպումներ:
– Ոչ, սա առաջին անգամն էր: Ես շատ ուրախ եմ, որ կարողացա օգտակար լինել թիմիս: Մենք հիմնովին նախապատրաստվել էինք «զինագործներ»-ի հետ հանդիպմանը: Ինձ համար անհատական ցուցանիշներն այդքան էլ կարևոր չեն: Կարևորը ակումբի հաջողությունն է:
– Եվրոպայում կա՞ ակումբ, որին Դուք երկրպագում եք:
– Կատալոնական «Բարսելոնա»-ն լավագույնն է աշխարհում: Ես մեծ հաճույքով եմ նայում նրանց հանդիպուները, հատկապես «Ռեալ»-ի հետ դիմակայությունները:
– Ի՞նչ եք կարծում, Գվարդիոլայի հեռանալուց հետո իսպանական դերբին կպահպանի իր գրավչությունը:
– Այո, Գվարդիոլան, իհարկե, ուժեղ մասնագետ է, բայց կարծում եմ` Տիտո Վիլանովան կկարողանա նրան փոխարինել: Կարևորն այն է, որ «Բարսելոնա»-ն կպահպանի իր խաղաոճը:
-Ո՞վ է Ձեզ համար կիսապաշտպանական գծի իդեալական խաղացողը:
– «Եվրո-2012»-ի ժամանակ ինձ դուր եկավ Անդրեա Պիրլոյի և Անդրես Ինյեստայի ցուցադրած խաղը:
– Ու՞մ կցանկանայիք նմանվել Ձեր խաղաոճով:
– Ես ցանկանում եմ նման լինել միայն ինձ և ունենալ իմ անհատական խաղաոճը:
– Գիտեմ, որ Ձեր քույրը Միշել Պլատինի անձնական թարգմանիչն է: Կարողացա՞ք նրան հանդիպել «Եվրո-2012»-ի ժամանակ:
– Ցավոք, ոչ: Այդ ժամանակ ես մասնակցում էի «Շախտյոր»-ի` Ավստրիայում և Շվեյցարիայում անցկացվող հավաքին:
– Ի՞նչ նպատակներ ունեք առաջիկա մրցաշրջանում:
– Իմ անհատական նպատակներն անբաժան են թիմի նպատակներից: Եթե ակումբը կարողանա հաղթանակներ տանել, ես շատ ուրախ կլինեմ: Ուրախ կլինեմ, եթե կարողանամ օգտակար լինել իմ թիմին և արդյունավետ ֆուտբոլ ցուցադրել:
