Ամերիկացի ռեփեր P. Diddy-ն (իսկական անունը՝ Շոն Քոմբս), որն արդեն դատապարտվել է մարմնավաճառության նպատակով մարդկանց տեղափոխելու գործով, կանգնել է նոր մեղադրանքների առաջ՝ անչափահասի նկատմամբ սեռական բռնության վերաբերյալ։
CNN-ի փոխանցմամբ՝ Լոս Անջելեսի դատախազություն համապատասխան հայց է ներկայացրել մի անձ, որի անունը չի հրապարակվում։ Հայտնի է, որ 2007 թվականին՝ դեռևս անչափահաս տարիքում, նա սեռական բռնության է ենթարկվել Հոլիվուդում տեղի ունեցած միջոցառման ժամանակ։ Հայցում նշվում է նաև, որ դեպքից առաջ ռեփերն անչափահասին ալկոհոլ է առաջարկել։
Հունիսի սկզբին հաղորդվել էր նաև, որ Լոս Անջելեսի դատախազությունն ուսումնասիրում է P. Diddy-ի դեմ սեռական բռնության վերաբերյալ նոր մեղադրանքներ։ Այդ մեղադրանքները ներկայացրել է հրապարակախոս և պրոդյուսեր Ջոնաթան Հեյը։
Հիշեցնենք, որ 2025 թվականի հոկտեմբերին Նյու Յորքի դատարանը ռեփերին դատապարտել էր ավելի քան 4 տարվա ազատազրկման՝ մարմնավաճառության նպատակով մարդկանց տեղափոխելու գործով։ Պաշտպանությունը պահանջել էր 14 ամիս, իսկ դատախազությունը՝ ավելի քան 11 տարի ազատազրկում։ Նույն տարվա հուլիսին երդվյալ ատենակալների դատարանը (ժյուրին) նրան անմեղ էր ճանաչել ավելի ծանր հանցանքների, այդ թվում՝ մարդկանց թրաֆիքինգի և շորթման գործով, որոնք կարող էին հանգեցնել ցմահ ազատազրկման։
