Ավստրալական թանգարանը ստացել է հռոմեական «Կոլիզեի» կրկնօրինակը, որը հավավքած է «Լեգոյի» դետալներից, գրում է The Daily Mail-ը: Հորինվածքի հեղինակը Ռայան Մակնոթն է, ով խոշոր ֆիգուրներ հավաքելու որակավորված մասնագետ է:
«Կոլիզեի» «լեգո» տարբերակը հավաքելու համար օգտագործվել է մոտ 200 հազար դետալ:
«Կոլիզեի» կրկնօրինակը հուշարձանը ներկայացնում է մեր օրերում, որի կողքին կարելի է տեսնել զբոսաշրջիկների ֆիգուրներ, ովքեր պաղպաղակ են գնում և լուսանկարվում: Բացի այդ՝ կարելի է տեսնել ծառեր, շատրվաններ, կենդանիներ: Կառույցի ներսում գլադիատորներ են, հանդիսատես:
Մակնոտի խոսքերով՝ «Կոլիզեի» հավաքելու ընթացքում նա վերաիմաստավորել է իր վերաբերմունքը հին հռոմեացիների նկատմամբ և հայտարարել, որ այսուհետ ավելի է հարգում այդ ժողովրդին:
«Կոլիզեի» կրկնօրինակը Մակնոտը հավաքել էր դեռ հունիսի վերջին, այժմ այն Մելբուրնում է՝ Նիքլսոնի անվան թանգարանում:
