ԱՄՆ գլխավոր դատախազը դիտարկում է ամերիկյան բանտերում գնտվող Վիկտոր Բուտի և Կոնստանտին Յարոշենկոյի Ռուսաստան արտաքսման հնարավորությունը: Այս մասին հաղորդել է RIA Novosti-ին` վկայակոչելով Conflict Awareness Projec միջազգային ոչ կառավարական կազմակերպության տնօրենի` Քեթի Լին Օսթինի զեկույցը:
«Երբ մենք հետաքննություն անցկացրինք, մենք իմացանք, որ գլխավոր դատախազ Էրիկ Հոլդերը դիտարկում է Վիկտոր Բուտին և զենքի ու թմրանյութի մյուս մաքսանենգ Կոնստանտին Յարոշենկոյին Ռուսաստան վերադարձնելու հնարավորությունը»,- ասվում է Օսթինի զեկույցում:
Հուլիսի 6-ին Բուտի կինը` Ալլան, ՌԴ Արդարադատության նախարարությանը փոխանցել էր փաստաթղթեր, որոնց հիման վրա նախարարությունը կարող էր Բուտին հայրենիք վերադարձնելու մասին հարցում ուղարկել:
ՌԴ Արդարադատության նախարարության տվյալներով` ռուս քաղաքացուն հանձնելու համար պահանջվում է եռակողմանի համաձայնություն`հանձնող կողմի, ընդունող կողմի և պատիժը կրող սուբյեկտի:
Հետաբար իր համաձայնությունը պետք է տա նաև Բուտը: Հենց որ Վիկտոր Բուտը տա իր համաձայնությունը, փաստաթղթերը կդիտարկվեն ԱՄՆ Արդարադատության նախարարության կողմից:
Հիշեցնենք, որ ապրիլին Նյու Յորքի դաշնային դատարանը Վիկտոր Բուտին դատապարտել է 25 տարվա ազատազրկման:
