Կիսապաշտպան Ալբերտո Ակվիլանիի գործակալը հայտարարել է, որ առաջիկա մրցաշրջանն իր հաճախորդը կանցկացնի «Լիվերպուլ»-ում:
2009 թվականին «Լիվերպուլ»-ը 22 մլն եվրոյով ձեռք է բերել ֆուտբոլիստի տրանսֆերը «Ռոմա»-ից, սակայն Ակվիլանին վնասվածք ուներ, և առաջին մրցաշրջանն Անգլիայի առաջնությունում այնքան էլ հաջող չէր: Կիսապաշտպանը վերջին երկու մրցաշրջաններն անցկացրել է իր հայրենիքում` վարձավճարով հանդես գալով «Յուվենթուս»-ում և «Միլան»-ում: Ալբերտոն փորձում էր համաձայնության գալ «ռոսոներիներ»-ի հետ, սակայն բանակցությունները հաջողությամբ չպսակվեցին, և ֆուտբոլիստը ստիպված եղավ վերադառնալ «Լիվերպուլ», որի հետ կնքած պայմանագրի ժամկետը լրանում է 2014 թվականին:
«Նա հանդես կգա «Լիվերպուլ»-ի կազմում: «Միլան»-ն այժմ անցյալում է: Ալբերտոն վերադառնում է Անգլիա, որտեղ պայքարելու է Բրենդան Ռոջերսի թիմում խաղաժամանակ ստանալու համար»,- հայտարարել է գործակալ Ֆրանկո Զավալյան Calciomercato-ին տված հարցազրույցում:
