ՀՀ վարչապետ Նիկոլ Փաշինյանը դատական հայց է ներկայացրել ռուսաստանահայ գործարար Սամվել Կարապետյանի գլխավորած «Ուժեղ Հայաստան» կուսակցության դեմ։ Նա պահանջում է հերքել 300.000 ադրբեջանցիների վրադարձի մասին նրանց հայտարարությունները։
Դատական հայցով Փաշինյանը խնդրել է պարտավորեցնել «Ուժեղ Հայաստան» կուսակցությանը՝ հերքել իր հասցին հնչեցրած զրպարտություն համարվող փաստացի տվյալները հրապարակային հերքել։ Իսկ հերքման բովանդակությունը պետք է լինի այսպես. «2026 թվականի մայիսի 27-ին, «Ուժեղ Հայաստան» կուսակցությունը, տարածել է տեղեկություն, ըստ որի ՀՀ Վարչապետ Նիկոլ Փաշինյանը հաստատել է, թե Հայաստան է բերելու 300,000 ադրբեջանցի։ Հայտնում ենք, որ այդ տեղեկությունը ամբողջությամբ զրպարտում է ՀՀ Վարչապետ Նիկոլ Փաշինյանին, կեղծ է և չի համապատասխանում իրականությանը»։ Միաժամանակ, Փաշինյանը պահանջել է 6 մլն դրամ՝ որպես զրպարտության հետևանքով պատճառված ոչ նյութական վնասի գումար։
Գործը մակագրվել է դատավոր Արմենուհի Բադիրյանին։
Մեկ այլ հայց էլ Փաշինյանը ներկայացրել է Սամվել Կարապետյանի դեմ՝ պահանջելով հերքել Կանադայում տուն ունենալու մասին հայտարարությունները։ Այս գործով ևս Փաշինյանը պահանջել է 6 մլն դրամ՝ որպես զրպարտության հետևանքով պատճառված ոչ նյութական վնասի գումար։
Գործը մակագրվել է դատավոր Անուշավան Մուշեղյանին։
