Բրիտանական Permira ներդրումային ընկերությունը Valentino նորաձևության տունը վաճառել է 600 միլիոն եվրոյով: Այս մասին գրել է The Daily Telegraph-ը : Հայտնի է, որ գնորդը Permira-ի ներդրողներից է:
Permira ընկերությունը Valentino-ի սեփականատերն էր 2007 թվականից: Ընկերությունը ձեռք էր բերել այն Red & Black հոլդինգի կազմում Hugo Boss ընկերության հետ միասին: Գնումից հետո նորաձևության տան հիմնադիր Վալենտինո Գարավանին լքում է այն, որից հետո Valentino-ի չափաբաժինը Red & Black կառուցվածքի եկամուտներում աստիճանաբար սկսում է նվազել:
2008թ. դիզայներներ Մարիա Գրացիա Կյուրի և Պիեր Պաոլո Պիկոլիի գալուց հետո նարաձևության տան վաճառքի գինը սկսում է աճել: 2011թ. արդյունքներով` Valentino-ի եկամուտը կազմել է 22.2 միլիոն եվրո, իսկ վաճառքը` 322.4 միլիոն եվրո:
Valentino նորաձևության տունը 1959թ. հիմնադրել են դիզայներ Վալենտինո Գարավանին և գործարար Ջանկարլո Ջամետին:
