Իսպանական մամուլի տեղեկացմամբ` կատալոնական «Բարսելոնա»-ի հարձակվող Լիոնել Մեսսին գովեստի խոսքեր է հղել իր թիմակից Ալեքսիս Սանչեսին:
Հիշեցնենք, որ չիլիացի ֆուտբոլիստը «կապտանռնագույններ»-ի կազմում հանդես է գալիս անցած մրցաշրջանից սկսած, բայց կարողացել է գրավել կատալոնական ակումբի երկրպագուների սերը և հարգանքը:
«Ընտելացման գործընթացն այդքան էլ հեշտ չէ, քանի որ ֆուտբոլիստը «Բարսելոնա» է տեղափոխվել այլ ակումբից: Նա պետք է հարմարվեր նոր թիմի խաղային փիլիսոփայությանը: Ալեքսիսը հիանալի հարմարվեց «Բարսա»-ի խաղին: Նա լավ և համեստ անձնավորություն է, ով կարողանում է համագործակցել իր թիմակիցների հետ»,- հայտարարել է Մեսսին:
