Տարեսկզբին Շվեդիայի վարչապետը կառավարության կայքից հանել է Հայոց ցեղասպանության մասին տեղեկատվությունը: Նշենք, սակայն, որ Շվեդիայի խորհրդարանը ճանաչել է Հայոց ցեղասպանությունը:
Լրագրողների հետ հանդիպման ժամանակ թուրքագետ Հակոբ Չաքրյանը նշեց, որ չի կարծում, թե սա Շվեդիայում թուրքական լոբբիի ազդեցության արդյունքն է։ Դա պարզապես վարչապետի անձնական նախաձեռնությունն է:
Չաքրյանի խոսքերով, այս հանգամանքը, սակայն, չի կարող վնասել Ցեղասպանության միջազգային ճանաչման գործընթացին: Թուրքագետի գնահատմամբ, Շվեդիան այն երկիրը չէ, որ տարածաշրջանային դերակատարություն ունենա.
«Մեզ համար այնքան էլ կարևոր չէ, թե քանի փոքր երկիր կճանաչի Ցեղասպանությունը, կարևորը ԱՄՆ-ի ճանաչումն է, որը կունենա շղթայական ռեակցիա: Անգամ այն հանգամանքը, որ Ցեղասպանության բանաձևը մտնում է Կոնգրես, ավելի մեծ կարևորություն ունի»:
Չաքրյանի խոսքերով, Շվեդիայի վարչապետի քայլը վտանգավոր կլիներ միայն այն ժամանակ, երբ տեղեկատվությունը կայքից հանելուց հետո խորհրդարանը վերանայեր Ցեղասպանության ճանաչման որոշումը:
