«Առաջին լրատվական»-ի դիտարկմանը՝ եթե Վարդան Օսկանյանը դառնա միասնական թեկնածու ընդդիմության համար, շանսեր կունենա՞ նախագահ դառնալու, սոցիոլոգ Գևորգ Պողոսյանը պատասխանեց․
«Այստեղ կարևոր է եթե-ն, ես, չգիտես ինչու, համոզված եմ, որ մեր ընդդիմությունը երբեք միասնական թեկնածու չի ունենա։ Անձնական մոտեցումներն այնքան շատ են, որ ես կզարմանամ, եթե ընդդիմությունն ունենա միասնական թեկնածու»։
Այն հարցին, թե այնուամենայնիվ, եթե ՀԱԿ-ը որոշի առաջադրել Վ․ Օսկանյանին, վերջինս կհամարվի՞ 2013թ․նախագահական ընտրություններում Սերժ Սարգսյանի հիմնական մրցակիցը, Գ․ Պողոսյանը պատասխանեց․
«Ես կցանկանայի ռեալ բաներ քննարկել, կարծում եմ, որ այդ վարկածը շատ վերացական է»։
Ինչ վերաբերում է ՀԱԿ անդամ Մյասնիկ Մալխասյանի՝ «168 ժամ» թերթին հայտնած այն տեսակետին, որ ընդդիմադիր դաշտում գործող քաղաքական ուժերը պետք է անցյալը մի կողմ դնեն և պաշտպանեն Վարդան Օսկանյանին, Գ․ Պողոսյանն ասաց․
«Ես կարծում եմ, որ Մ․ Մալխասյանը նկատի ունի վերջին միջադեպի, այս մեղադրանքների շրջանում Օսկանյանին աջակցելը, և ճիշտ է ասել, որովհետև իրենց գործընկերն է»։
