Վլադիմիր Վիսոցկին իրեն ամենամոտ երկրների թվում միշտ նշել է Լեհաստանն ու Ֆրանսիան: Պոետի ճակատագրում հենց այդ եռամիասնությանն էր նվիրված երեկ` հունիսի 25-ին, Ֆրանսիայում ՌԴ դեսպան Ալեքսանդր Օռլովի նստավայրում հրավիրված ռուս-լեհական-ֆրանսիական երեկոն: Այս մասին հայտնում է ITAR-TASS-ը:
Երեկոյի մասնակիցներն էին արվեստի գործիչներ, հասարակական կյանքի այլ ոլորտների ներկայացուցիչներ, որոնց միավորել էր 20-րդ դարի հայտնի բարդ երգչի ստեղծագործության նկատմամբ սերը:
Ֆրանսիայում Լեհաստանի դեսպան Տոմաշ Օռլովսկին Վիսոցկուն անվանել է «ազատության երգիչ»: Նա հիշեցրել է, որ Վարշավան եղել է առաջին արտասահմանյան քաղաքը, որտեղ 1970-ականներին այցելել է պոետը:
Իր կարճատև կյանքի ընթացքում (42) Վիսոցկին հասցրել է գրել ավելի քան 700 պոետիկ ստեղծագործություն, խաղալ 30 ֆիլմում ու Տագանկայի թատրոնի շատ ներկայացումներում:
Պոետի կյանքի մեծ մասը կապված է Ֆրանսիայի իր մուսա, դերասանուհի Մարինա Վլադիի հետ: Փարիզը դարձել է նրա մի քանի երգերի ու բանաստեղծությունների թեման: Հենց այստեղ են թողարկվել Արևմուտքում լույս տեսած նրա առաջին ալբոմները:
Վիսոցկու երգերի կատարմամբ հանդես են եկել դերասաններ Սերգեյ Բեզրուկովը, Ելենա Կամբուրովան և Միրոսլավ Չիժիկևիչը: Լեհ արտիստը հյուրերի համար կատարել է նաև սեփական ստեղծագործությունը` «Վերադարձը», որը նվիրել է ռուս պոետին:
