Իտալիայի ոստիկանությունը սկսել է պայքար քաղաքը «գողանալ» ցանկացող զբոսաշրջիկների դեմ: Բանն այն է, որ զբոսաշրջիկները ցանկանում են իրենց հետ հուշանվերներ տանել, և վերցնում են հին քաղաքի մասունքները:
Իտալիայի ոստիկանները պնդում են, որ այն քարերը, որոնք հռոմեացիները մոտ 2000 տարի առաջ օգտագործում էին իրենց հայտնի ուղիղ ճանապարհները կառուցելիս, ինչպես նաև՝ խճանկարների կտորներ և այլ պատմական նշանակության իրեր, շատ հաճախ են հայտնաբերվում զբոսաշրջիկների պայուսակներում:
Հռոմի օդանավակայանների անվտանգության աշխատակիցները նշում են, որ վերջերս կտրուկ աճել է նման հուշանվերներ ունենալ ցանկացողների թիվը, այդ իսկ պատճառով անվտանգության աշխատակիցներն այժմ հատուկ սքաներների օգնությամբ ավելի ուշադիր են զննում ուղևորների ուղեբեռները:
