Bigmir.net-ից տեղեկանում ենք, որ, բրիտանական հանրահայտ Sky Sports-ի փորձագետների կարծիքով, Հենրիկ Մխիթարյանը նման տեմպով առաջադիմելու պարագայում շուտով կդառնա համաշխարհային մակարդակի աստղ:
Կայքի պնդմամբ, Դոնեցկի «Շախտյոր»-ի և Հայաստանի հավաքականի ֆուտբոլիստի նկատմամբ հետաքրքրությունն առաջացել է Sky Sports Scout մրցույթի արդյունքում: Մրցույթի պայմանների համաձայն, կայքի այցելուները փորձագետներին առաջարկում են գնահատել իրենց հետաքրքրող այն ֆուտբոլիստներին, որոնք դեռ չեն արժանացել նրանց ուշադրությանը:
Sky Sports-ի այցելու Ջոն Բոսթոնի առաջարկությամբ, փորձագետներն ուսումնասիրել են 22-ամյա հայ կիսապաշտպանին: Տպավորիչ արդյունքները զարմացրել են անգամ ուսումնասիրությունը կատարողներին.
Հարված` 7-ը 10-ից
Փոխանցում` 8-ը 10-ից
Տեխնիկա` 6-ը 10-ից
Գլխով խաղ` 6-ը 10-ից
Արագություն` 8-ը 10-ից
Դաշտը տեսնելու ունակություն՝ 8-ը 10-ից
Առկա ունակություններ` 7-ը 10-ից
Պոտենցիալ հնարավորություններ` 10-ը 10-ից
Արժեքը այս պահին` 7 մլն ֆունտ
Պոտենցիալ արժեքը` 20 մլն ֆունտ։
Sky Sports-ի փորձագետների եզրակացությունը. «Հրաշալի երիտասարդ ֆուտբոլիստ է, որը տպավորիչ տեմպով առաջադիմում է: Հետաքրքիր կլինի առաջիկա տարում հետևել նրա խաղին: Հենրիկ Մխիթարյանը մոտ ապագայում կարող է հայտնվել եվրոպական գերակումբներից մեկում»:
