«Կառավարության ներկայացրած ծրագիրը լիովին համահունչ է նախորդ ծրագրերին: Օրինակ` Վրաստանի ծրագիրն ավելի հակիրճ է: Եթե ուզում եք՝ նշվի աշխատատեղ առ աշխատատեղ, ձեռնարկություն առ ձեռնարկություն, թե ինչպես է զարգանալու երկիրը, դա Խորհրդային միության պլանն էր, և մերի նման երկրներում չի կիրառվում»,- այսօր ԱԺ-ում հայտարարեց ՀՀ ֆինանսների նախարար Վաչե Գաբրիելյանը:
Կառավարության ծրագրի շարունակականությունը և զարգացումները ցույց տալու համար, Վ. Գաբրիելյանի խոսքով, նշվում են արտահանման հիմնական ուղղությունները, և ուղղություններ ու հստակության մասին բավական տեղեկություն պարունակվում է, գերակայությունները գալիս են այն ընդհանուր տրամաբանությունից, որ թույլ է տալիս ռեսուրսաինտենսիվից անցում կատարել նոր զարգացման քաղաքականությանը:
Նախարարի խոսքով՝ անցած անգամվա ծրագրում նշված ցուցանիշները նշված են նաև այս ծրագրում, իսկ տարածաշրջանային զարգացման տեսակետից վերցրել են ամենաբարձր, ամենադժվար հասանելի ցուցանիշները:
