Ինչպես արդեն տեղեկացրել էինք, հունիսի 20-ին լրանում է հայկական ֆուտբոլի ամենավառ աստղերից մեկի, լեգենդար Էդուարդ Մարգարովի 70 ամյակը: Հոբելյանի կապակցությամբ հունիսի 20-ին, ժամը 17:00-ին Վազգեն Սարգսյանի անվան «Հանրապետական» մարզադաշտում տեղի կունենա Էդուարդ Մարկարովի ծննդյան 70-ամյակին նվիրված ընկերական հանդիպում` «Արարատ»-ի և ԽՍՀՄ-ի վետերան ֆուտբոլիստների միջև:
ՀՖՖ մամլո ծառայությունն «Առաջին լրատվական»-ին տեղեկացնում է, որ «Արարատ»-ի վետերանների ընտրանու կազմում հանդես կգան Ալյոշա Աբրահամյանը, Էդուարդ Մարգարովը, Հովհաննես Զանազանյանը, Նորիկ Մեսրոպյանը, Արկադի Անդրիասյանը, Սերգեյ Պողոսյանը, Նիկոլայ Ղազարյանը, Արմեն Պետիկյանը, Սարգիս Հովհաննիսյանը, Երվանդ Կրբաշյանը, Ռաֆայել Գալստյանը, Բաբկեն Մելիքյանը, Սամվել Պողոսյանը, Արամ Ոսկանյանը, Կարեն Դոխոյանը, Էդուարդ Վերանյանը, Տիգրան Եսայանը և Մուրադ Անգթյանը:
ԽՍՀՄ-ի հավաքականի վետերանների թիմում ընդգրկվել են անցյալում հայտնի ֆուտոբլիստներին Վալերի Նովիկովը, Սերգեյ Գորլուկովիչը, Յուրի Կովտունը, Ֆյոդոր Չերենկովը, Սերգեյ Կիրյակովը, Ալեքսանդր Միրզոյանը, Դմիտրի Կուզնեցովը, Վալերի Շմարովը, Ալբերտ Սարգսյանը, Բորիս Պոզդնյակովը և ուրիշներ:
Հանդիպումը կվարեն ճանաչված հաղորդավարներ Համլետ Ղուշչյանը և Գեորգի Չերդանցևը: Ֆուտբոլասերների համար մուտքն ազատ է:
