Եվրահանձնաժողովը պնդում է Գերմանիայում և Եվրամիության այլ երկրներում ազգային սահմանային վերահսկողության աստիճանական վերացման հարցում։ Այս մասին Funke մեդիախմբին տված հարցազրույցում հայտարարել է ներքին գործերի և միգրացիայի հարցերով եվրահանձնակատար Մագնուս Բրուները:
«Եվրահանձնաժողովի տեսանկյունից, այն ինը երկրներում, որտեղ այն այժմ գործում է, սահմանային վերահսկողության փուլային վերացումը հնարավոր է և նպատակահարմար, այդ թվում՝ Գերմանիայում», – ասել է նա։
Բրուներն այս պահանջը բացատրել է նրանով, որ ԵՄ-ում ապաստան հայցողների թիվը զգալիորեն նվազել է, իսկ արտաքին սահմանների պաշտպանության ուղղությամբ ձեռնարկված միջոցառումները և մուտքի ու ելքի համաեվրոպական համակարգը դրական արդյունքներ են տալիս։
«Սրանք քայլեր են ճիշտ ուղղությամբ», – կարծում է եվրահանձնակատարը։
Գերմանիայի իշխանությունները 2025 թվականի գարնանը զգալիորեն խստացրել էին ստուգումներն իրենց սահմաններին՝ անօրինական միգրացիան կրճատելու նպատակով։
