Շվեդ վիրաբույժները սխալմամբ հեռացրել են հիվանդի կոնքային ոսկրի մի մասը: Պատահարը տեղի է ունեցել Էվլե քաղաքի հիվանդանոցներից մեկում:
ԶԼՄ-ների տեղեկատվության համաձայն` վիրահատության ժամանակ բժիշկը հավելյալ ոսկորը հեռացնելու փոխարեն հեռացրել է 30-ամյա կնոջ կոնքային ոսկորի գլխիկը:
Նկատելով սխալը` վիրաբուժական բրիգադը փորձել է մետաղական սկավառակի և շունտի միջոցով ուղղել արածը, սակայն ապարդյուն, քանի որ հիվանդի օրգանիզմում սկսվել են ինֆեկցիոն բարդություններ: Դրությունից դուրս գալու համար բժիշկները պրոթեզավորել են կոնքաազդրային հոդը:
Բժշկական հաստատության ներկայացուցիչն ասել է, որ վիրաբույժի սխալը պայմանավորված է եղել նրանով, որ վերջինս հաշվի չի առել հիվանդի «անատոմիական առանձնահատկությունները»:
Բժշկի գործողությունները գնահատելու է առողջապահության շվեդական ազգային խորհուրդը:
