Մյանմարի արևմուտքում՝ Ռաքհայն նահանգում, իշխանությունները դարձյալ արտակարգ դրություն են հայտարարել՝ շարունակվող միջկրոնական բռնության պատճառով: Ինչպես հաղորդում է BBC-ն, ըստ պաշտոնական տեղեկությունների՝ վերջին երկու շաբաթներին բուդդիստների և մուսուլմանների բախումներին զոհ է գնացել 50, վիրավորվել 54 մարդ:
Երեկ ոստիկանությունն առաջին անգամ պարեկային ժամ մտցրեց շրջանի Սիտուե վարչական կենտրոնում:
Հունիսի 11-ին մի քանի հարյուր մուսուլմաններ փորձել են տեղափոխվել հարևան Բանգլադեշ, սակայն սահմանապահները նրանց բռնել են և հետ ուղարկել: Ռաքհայնում զանգվածային բռնության համար պատճառ է հանդիսացել մայիսի վերջին բուդդիստ կանանց բռնաբարությունը և սպանությունը:
