Իսլամիստների դեմ Եմենի կառավարական զորքերի կատարած գործողությունների ընթացքում սպանվել է 40 զինյալ: Այս մասին հայտնում է Reuters-ը՝ հղում կատարելով երկրի պաշտպանության նախարարին:
Նրա խոսքերով՝ զորքերին հաջողվել է երկրի հարավում արգելափակել 300 զինյալից բաղկացած ջոկատը: Նախարարը գործողության այլ մանրամասներ չի հայտնել:
Հունիսի սկզբին Եմենի կառավարությունն ԱՄՆ-ի աջակցությամբ սկսել էր իսլամիստների ջոկատների վրա նոր հարձակում: Վերջիններս կապված էին «Ալ Կաիդա»–ի հետ:
Գործողությանը մասնակցում էին ոչ միայն զինվորներ, այլև հրետանի ու տանկեր:
