Ինչպես հաղորդում է Variety.com-ը, եթե դերասան Հյու Լորիի և MGM ստուդիան համաձայնության գան, ապա Լորին «Ռոբոտ ոստիկանը» ֆիլմի ռիմեյքում հանդես կգա բացասական կերպարներից մեկի դերով: Բացասական կերպարը հանդիսանում է Omni Corp.-ի ղեկավարը, ով ֆինանսավորել է ռոբոտ-ոստիկանի ստեղծումը: Ռոբոտ- ոստիկանի դերում հանդես կգա Յուել Կինամանը: Վերջինս հայտնի է «Վիշապի դաջվածքով աղջիկը»,«Մուտքի ծածկագիրը՝Քեյփթաուն» ֆիլմերով և «Սպանություն» սերիալով:
Ավելի վաղ հաղորդվում էր, որ «Robocop»-ում կնկարահանվեն նաև Գերի Օլդմանը (ռոբոտը ստեղծող գիտնականի դերով) և Սամուել Լ.Ջեքսոնը: Ֆիլմի վերարտադրությամբ զբաղվում է Ժոզե Պադիլյան, որը հայտնի է «Էլիտար ջոկատ» և «Էլիտար ջոկատ. Թշնամին ներսում է» ֆիլմերով:
«Ռոբոտ ոստիկանի» նկարահանումները կսկսեն սեպտեմբերին Տորոնտոյում: Ծրագրված է ֆիլմը վարձույթ դուրս բերել 2013-ին:
Վերջին տարիներին Հյու Լորիի հիմնական աշխատանքն էր դարձել Fox հեռուստաալիքի «Դոկտոր Հաուս» սերիալում նկարահանվելը: Սերիալը եթերում էր 2004 թվականից, ավարտվել է 2012-ի մայիսի 21-ն:
