Փետրվարի 18-ին տևական դադարից հետո Հայ ազգային կոնգրեսը հրավիրելու է իր այս տարվա առաջին հանրահավաքը: Ի՞նչ ակնկալիքներ ունի «Ժողովրդի իշխանություն» հասարակական-քաղաքական նախաձեռնության անդամ Զոյա Թադևոսյանն այդ հանրահավաքից:
«Ակնկալում եմ, որ առաջիկա հանրահավաքում միացյալ ընդդիմությունը վերջնականապես կհստակեցնի այն քայլերը, որոնց հաջորդական իրացումը, ի վերջո, կցուցադրի ընդդիմության ձևավորման կարևորությունը, անհրաժեշտությունը, արդիականությունը: Այսինքն` ինչո՞ւ, ի՞նչ նպատակներով միացյալ ընդդիմությունը ձևավորվեց, ինչո՞ւ անդամ կուսակցությունները ստորագրեցին հռչակագրի տակ: Ակնկալում եմ, որ հռչակագրում արծարծված բոլոր կարևորագույն խնդիրները պետք է լուծվեն այս տարվա ընթացքում»,- «Առաջին լրատվական»-ի հետ զրույցում նշեց Զոյա Թադևոսյանը:
