Հայտնի հոլիվուդյան դերասան, օսկարակիր Օմար Շարիֆը, որը մեր հանդիսատեսին հայտնի է Անրի Վեռնոյի «Մայրիկ» ֆիլմում խաղացած Ազատի հոր դերով, կարծում է, որ Մուբարաքը պետք է հեռանա:
«Նա արդեն 30 տարի շարունակ գլխավորում է երկիրը: Դա բավական է»,- ասել է Օմար Շարիֆը France Inter ռադիոկայանին:
Ըստ Շարիֆի՝ նա չի բարելավել եգիպտացիների կյանքը, և երկրի բնակչության ընդամենը 1%-ն է, որ հարստություն է կուտակել, իսկ մնացածը մտածում են՝ ինչպես կերակրել իրենց ընտանիքները:
Օմար Շարիֆը նաև «Մուսուլման եղբայրներ» կազմակերպության հետ կապված կասկածներ ունի.
«Ես չեմ ողջունում «Մուսուլման եղբայրներին», և այն, որ բնակչության 20%-ը նրանց աջակցում է, ինձ վախեցնում է»,- ավելացրել նա:
«Լավ է, որ Մուբարաքն իրեն լավ փոխնախագահ է ընտրել (նկատի ունի նորանշանակ Օմար Սուլեյմանին – 1in.am), որը լավ հարաբերություններ ունի Իսրայելի հետ.ես դա կարևոր եմ համարում»,- եզրափակել է Շարիֆը: