Ինչպես հաղորդում է Associated Press գործակալությունը, ԱՄՆ նախագահ Բարաք Օբաման և Եգիպտոսի նախագահ Հոսնի Մուբարաքը հեռախոսազրույց են ունեցել այն բանից հետո, երբ Մուբարաքը հայտնեց կառավարության հրաժարականի մասին: Ըստ տեղեկությունների` հեռախոսազրույցը տևել է 1.5 ժամ:
Այնուհեև Օբաման հանդես է եկել հայտարարությամբ, որտեղ խոսել է Եգիպտոսում ստեղծված իրավիճակի մասին:
Նա դիմել է Եգիպտոսի իշխանություններին` կոչ անելով զերծ մնալ բռնություններից, քանի որ եգիպտական բնակչությունն ունի բոլոր իրավունքները` ազատ հանրահավաքներ անցկացնելու համար:
Օբաման նշել է, որ Մուբարաքը պետք է իրականացնի այն բոլոր խոստումները, որ տվել է այսօրվա իր ուղերձում` կատարելով երկրին այդքան անհրաժեշտ քաղաքական, տնտեսական և սոցիալական բարեփոխումներ:
Օբաման նաև ասել է, որ պատրաստ է շարունակել համագործակցությունն ինչպես Եգիպտոսի կառավարության, այնպես էլ ժողովրդի հետ:
Օբաման սուր քննադատության է ենթարկել եգիպտական իշխանություններին` ինտերնետ կապն ընդհատելու համար` պահանջելով դրա անհապաղ վերականգնումը: