«Բարգավաճ Հայաստանի» առաջնորդ Գագիկ Ծառուկյանը այցելել է ընտրակեղծիքների դեմ պայքարի միջկուսակցական շտաբ:
Նա մեկնաբանել է «Ժառանգություն» կուսակցության հայտարարությունն այն մասին, որ միջկուսակցական շտաբում համաձայնագիրը պետք է ստորագրեին դրա մեջ մտնող կուսակցությունների առաջին համարները, հայտարարելով, որ տարբերություն չկա, այն ստորագրում են այդ կուսակցությունների վստահված անձինք, թե առաջին համարները:
Այս առնչությամբ նա հավելել է, որ բոլոր առողջ քաղաքական ուժերը պետք է կողմ լինեին այդ նախաձեռնությանը:
«Մենք ուզում ենք նորմանլ և արդար ընտրություններ, ուզում ենք տեսնել, թե ում և որքանով են վստահում և որքան ձայներ են տալիս»,-ընդգծել է նա:
Ինչ վերաբերում է նրա` ընթացող ընտրությունների մասին, կարծիքին, ապա, ըստ Ծառուկյանի, դրա մասին կարելի է խոսել արդյունքների ամփոփումից հետո: