Խաղաղ Դոնի 1 շենքի մոտ գտնվող բաստուրմայի արտադրամասում մեծ ծավալներով ընտրակաշառք է բաժանվել: «Առաջին լրատվական»-ի հետ զրույցում տեղեկացրեց թիվ 12 ընտրատարածքում պատգամավորության թեկնածու Գոհար Վեզիրյանը:
Նրա խոսքով՝ հանցագործները դուռը կողպել են ներսից և իրավապահների ժամանելուն պես փախուստի դիմել հետնամուտքից: Նրանցից մեկը չի հասցրել փախչել և բերման է ենթարկվել:
Բացի այդ, ընտրակաշառք է բաժանվել նաև 160 դպրոցի դիմաց գտնվող «Վիրահայերի միասնություն» ՀԿ գրասենյակից։
Գոհար Վեզիրյանը հայտնեց, որ այս պահին շտապում են գնալ մեկ այլ ահազանգի հետքերով, որտեղ ևս, ըստ տեղեկությունների, մարդկանց կաշառք են բաժանում:
