Մյունխենի «Բավարիա»-ի ղեկավարությունը չմերժեց Վան Բոմելի խնդրանքը` ժամանակից շուտ խզել ակումբի հետ ունեցած պայմանագիրը և թույլ տվեց վերջինիս տեղափոխվել իտալական «Միլան»:
«Ես լքում եմ «Բավարիա»-ն սրտի ծանրությամբ, բայց բարձր գլխով: Ես այստեղ 4.5 անմոռանալի տարիներ եմ անցկացրել և ցանկանում եմ շնորհակալություն հայտնել ակումբի ղեկավարությանն ու երկրպագուներին նման ջերմ վերաբերմունքի համար»,- հայտարարել է Հոլանդիայի հավաքականի հենակետային կիսապաշտպանը:
«Միլան»-ի պաշտոնական կայքը հաղորդում է, որ ակումբն արդեն 6 ամսվա պայմանագիր է կնքել 33-ամյա հոլանդացու հետ:
