Շաբաթ և կիրակի օրերին կայացան Իսպանիայի առաջնության 20-րդ տուրի հանդիպումները:
Մեկնարկային խաղում «Սևիլիա»-ն «Ռամոն Սանչես Պիսխուան» մարզադաշտում խոշոր` 4:1 հաշվով պարտության մատնեց «Լևանտե»-ին: Հեթ տրիկի հեղինակ դարձավ Լուիս Ֆաբիանոն:
Հաջորդ խաղը տեղի ունեցավ հանրահայտ «Նոու Կամպ»-ում. «Բարսելոնա»-ն հերթական հեշտ հաղթանակը տարավ Իսպանիայի առաջնության արդեն կարևոր էլ չէ, թե որ թիմի նկատմամբ: Տպավորությունն այնպիսին է, որ Գվարդիոլայի սաներն ամեն անգամ նույն թիմի հետ են խաղում և եթե այդ օրը մրցակցի դարպասապահը լավ է խաղում, ապա ընդամենը 3 գնդակի տարբերությամբ են հաղթում: «Լևանտե»-ի դարպասապահը հրաշալի անցկացրեց վերջին հանդիպումը. «Բարսա»-ի կազմում մեկական գոլի հեղինակ դարձան Պեդրոն, Մեսսին և Ինիեստան:
Շաբաթ օրվա վերջին խաղում «Վալենսիա»-ն ու «Մալագա»-ն իսկական ներկայացում պարգևեցին «Մեստալիա»-ում հավաքված 55 հազար երկրպագուներին: Հանդիպման 10-րդ րոպեին հաշիվը բացեց Ռոնդոնը, վեց րոպե անց վերջին հույսի խախտման համար խաղադաշտից հեռացվեց «Մալագա»-ի նորեկ Դեմիկելիսը, Մատան դիպուկ իրացրեց 11 մետրանոց հարվածը: 36-րդ րոպեին Ռոնդոնը կրկին առաջ մղեց հյուրերին: Երկրորդ խաղակեսի 8-րդ րոպեին Սոլդադոն խփեց երկրորդ պատասխան գնդակը, 12 րոպե անց մրցավարը կրկին կարմիր քարտով պատժեց «Մալագա»-ի ֆուտբոլիստներին: Ռոսարիոյի հեռացումից 3 րոպե անց արդեն տանտերերը հաշվի մեջ առաջ անցան, գոլի հեղինակ դարձավ Բանեգան: Թվում էր` «Վալենսիա»-ն այլևս խնդիրներ չի ունենա, բայց 79-րդ րոպեին 9 հոգով մնացած «Մալագա»-ի մյուս նորեկ Բապտիստան հավասարեցրեց խաղի հաշիվը: Ասքանով ամեն ինչ չավարտվեց. մրցավարի կողմից ավելացված ժամանակում Ադուրիսը հաղթանակ պարգևեց «Վալենսիա»-ին:
Կիրակնօրյա հանդիպումներից կարելի է առանձնացնել Մարիդի «Ռեալ»-ի դժվարին հաղթանակը «Մալյորկա»-ի նկատմամբ: «Արքայական» ակումբի կազմում միակ գոլի հեղինակ դարձավ Բենզեման:
«Վիլյառեալ»-ը Ռոսիի դուբլի շնորհիվ 2:1 հաշվով հաղթեց «Ռեալ Սոսյեդադ»-ին: «Էսպանյոլ»-ը երրորդ անընդմեջ հաղթանակը տարավ, այս անգամ հյուրընկալվելիս` «Խետաֆե»-ի նկատմամբ:
Մյուս հանդիպումներում գրանցվեցին հետևյալ արդյունքները. «Ալմերիա»-«Օսասունա»` 3:2, «Սպորտինգ Խիխոն»-«Ատլետիկո Մադրիդ»` 1:0, «Սարագոսա»-«Դեպորտիվո»` 1:0: «Ատլետիկ Բիլբաո»-«Հերկուլես» հանդիպումը կկայանա այսօր: