Շատ ծնողներ տարբեր նշանների շնորհիվ իմանում են, որ արդեն երեխայի տակդիրը փոխելու ժամանակն է: Բայց ժամանակակից տեխնոլոգիաներն այժմ նպատակ ունեն այդ ամենն ավելի հեշտ դարձնել:
Daily Mail-ը գրում է, որ երեխայի հագուստի մեջ տեղադրված կառավարող համակարգն էլեկտրոնային նամակներ կամ տեքստային հաղորդագրություններ է ուղարկում ծնողներին` զգուշացնելու համար, որ տակդիրը փոխելու կարիք կա:
Սարքը կարող է նաև չափել երեխայի ջերմությունը, ստուգել սրտի աշխատանքը և շնչառությունը: Այն անգամ կարող է այնպես ծրագրավորվել, որ տեղեկություններ հայտնի երեխայի տրամադրության մասին։
Չնայած հոգեբանները հայտնում են, որ սա կարող է զրկել երեխային մայրական քնքշանքից, բայց արտադրողները հավաստիացնում են, որ սարքը միայն հանգստի հնարավորություն է տալիս ծնողներին:
ExmoBaby համակարգը ստեղծվել է ԱՄՆ-ում և արժե 93 ֆունտ սթեռլինգ:
