Հարավարևմտյան Կոլումբիայում մեքենայի պայթյունի հետևանքով վնասվել է ավելի քան 200 տուն, վիրավորվել է երեք մարդ: Պայթյունը տեղի է ունեցել բավական հեռու այն վայրից, որտեղ ԱՄՆ նախագահ Բարաք Օբաման և այլ երկրների ղեկավարներ մասնակցում են միջազգային գագաթնաժողովին:
The Washington Post-ը հաղորդում է, որ Մորալեսում տեղի ունեցած պայթյունը արդեն չորրորդն է՝ սկսած ուրբաթ օրվանից, երբ պետությունների ղեկավարները սկսել են ժամանել Կոլումբիա, բայց, ըստ երևույթին, այդ պայթյունները գագաթնաժողովի հետ կապ չունեն:
Կառավարության ներկայացուցիչը հայտնել է, որ պայթյունի հետևանքով վնասվել են 180-ից 200 տներ, վիրավորվել է երեք մարդ, զոհեր չկան: Իշխանությունները չեն հայտնել, թե ով է պատասխանատու պայթյունների համար, սակայն այդ տարածքում գործում են մի քանի զինված խմբեր:
