Ռուսական Интерфакс լրատվական գործակալության փոխանցմամբ՝ ԱՄՆ պետքարտուղար Հիլարի Քլինթոնը Վաշինգտոնում G-8-ի անդամ երկրների արտգործնախարարների գագաթնաժողովում անդրադարձել է Իրանի միջուկային ծրագրի խնդրին.
«Մենք կարծում ենք, որ դեռ ժամանակ կա Իրանի միջուկային ծրագրի հարցը դիվանագիտական միջոցներով կարգավորելու համար: Սակայն կարևոր է, որ իրանցիները նստեն բանակցային սեղանի շուրջ և ստեղծեն այնպիսի մթնոլորտ, որը կնպաստի կոնկրետ արդյունքների ձեռքբերմանը:
«Վեցյակի» հետ առաջիկա բանակցություններն Իրանի համար հնարավորություն են՝ ցրելու իր միջուկային ծրագրի հետ կապված միջազգային հանրության մտահոգությունները»:
Հիշեցնենք, որ իրանական կողմը «Վեցյակի» հետ ստամբուլյան բանակցություններում հանդես է գալու նոր առաջարկներով:
