Արդեն հնարավոր է կույր աղիքը հեռացնել բերանի միջոցով: Դա անհավատալի է թվում, սակայն մարմնի բնական բացվածքների օգտագործումը վիրահատությունից խուսափելու միակ ճանապարհն է: Մեծ Բրիտանիայի և ԱՄՆ-ի ավելի քան 1000 հիվանդներ արդեն ենթարկվել են նման «վիրահատության»:
Առաջին կին հիվանդի կույր աղիքը հեռացրել են հեշտոցի միջով: Նա մի քանի օր պարացետամոլ է ընդունել և 2 օր անց վերադարձել աշխատանքի:
Նոր կտրող ռոբոտ-սարքերի միջոցով բժիշկներն առաջիկայում կսկսեն բարդ վիրահատություներ կատարել բնական բացվածքներով: Բրիտանական թագավորական Healthcare NHS Trust քոլեջի մասնագետների խոսքով՝ նման մեթոդով օրգանների հեռացումը մարդկանց սթրեսի մեջ չի գցում, ցավն աննշան է, կտրվածքներ չկան, վարակների և բարդացումների ռիսկն էլ գրեթե զրոյական է: Սա հիվանդներին կօգնի կարճ ժամանակ անցկացնել հիվանդանոցում և անհամեմատ արագ ապաքինվել:
Բնական բացվածքներով արդեն հնարավոր է եղել իրականացնել նաև երիկամի և լեղապարկի հեռացում:
