Ուիթնի Հյուսթոնի 4-ժամյա հուղարկավորությունը նրա հայրենի Նյուարք քաղաքի բնակիչներին 187 հազար դոլար է արժեցել: Գումարը անհրաժեշտ է եղել բնակչության անվտանգության ապահովման նպատակով ոստիկաններին արտաժամյա ծառայության դիմաց վճարելու համար:
Հիշեցնենք, որ փետրվարին 48-ամյա երգչուհուն մահացած էին գտել հյուրանոցի իր համարում: Ալկոհոլի և թմրանյութերի ազդեցության հետևանքով նա քնել էր և ջրախեղդ եղել լոգարանում:
Հուղարկավորության արարողությունը աշխարհում ուղիղ միացմամբ միլիոնավոր մարդիկ են դիտել: DailyMail-ի փոխանցմամբ`բապտիստական եկեղեցում հուղարկավորության մասնակիցների անվտանգությունն ապահովել է 200 ոստիկան: Արտաժամյա աշխատանքի համար ոստիկաններին 9000-ական դոլար գումար է հատկացվել: Քաղաքային խորհրդի ներկայացուցչի խոսքով` այդ ծախսն անխուսափելի էր:
