Այսօր առավոտյան Ֆրանսիայի մի շարք քաղաքներում իսլամիստների նոր ձերբակալություններ են իրականացվել: Իրավապահ մարմինների հատուկ գործողությունների արդյունքում ընդհանուր առմամբ ձերբակալվել է 10 մարդ, որոնք կասկածվում են հակաօրինական գործողությունների մեջ: Ոստիկանությունը նշել է, որ այդ գործողությունները ոչ մի կապ չունեն թուլուզցի ահաբեկիչ Մուհամմադ Մերայի հետ:
Ինչպես հաղորդում է ITAR-TASS-ը, ձերբակալություններն իրականցվել են Ֆրանսիայի հարավում, մասնավորապես Վալանս, Կարպանտրա, Մարսել և Պո քաղաքներում: Բացի այդ, առանձին գործողություններ են իրականացվել Ռուբե քաղաքում՝ Ֆրանսիայի հյուսիսում՝ Բելգիայի սահմանի մոտ:
Մոտ մեկ շաբաթ առաջ Ֆրանսիայի ոստիկանությունը, ներքին հետախուզության կենտրոնական վարչության հետ համատեղ, իրականացրել էր մեծածավալ գործողություններ՝ ուղղված առաջին հերթին «Ֆուրսան Ալ-Իզզա» սալաֆիական ծայրահեղ խմբավորան դեմ: Այդ ժամանակ երկրի տարբեր քաղաքներում, հիմնականում հարավում, ձերբակալվեց 17 մարդ:
