Ադրբեջանական APA լրատվական գործակալության փոխանցմամբ՝ Ռուսաստանի ու Ադրբեջանի միջև Գաբալայի ռադիոտեղորոշիչ կայանի (ՌՏԿ) վերաբերյալ բանակցությունների հերթական փուլի ստույգ ժամկետը հայտնի կդառնա մոտ ժամանակներս: Այս մասին հայտարարել է Ադրբեջանի փոխարտգործնախարար Խալաֆ Խալաֆովը:
Վերջինս միայն հայտնել է, որ բանակցությունների հերթական փուլը տեղի է ունենալու Ռուսաստանում: Խալաֆովը հրաժարվել է հայտնել, թե Ադրբեջանը որքան գումար է պահանջել Ռուսաստանից՝ Գաբալայի ՌՏԿ-ի համաձայնագիրը երկարաձգելու համար:
Հիշեցնենք, որ ավելի վաղ նշվում էր, թե Ադրբեջանը Ռուսաստանից պահանջել է 43 անգամ ավելացնել Գաբալայի ՌՏԿ-ի վարձավճարը՝ տարեկան 7 միլիոն դոլարից այն հասցնելով 300 միլիոն դոլարի:
