Հոլիվուդի աստղ Պամելա Անդերսոնը երկրպագուների հետ կիսվել է երեխաների դաստիարակության վերաբերյալ իր պատկերացումներով ու փորձով: Նա դադարեցրել է կարիերան և իրեն լիովին նվիրել նախկին ամուսին Թոմի Լիից ունեցած երկու որդիների` 15-ամյա Բրենդոն Թոմասի և 13-ամյա Դիլան Ջագգերի դաստիարակությանը:
Ինտուիտիվ դաստիարակության կողմնակից Անդերսոնը հրաժարվել է դաստիարակչական կոշտ միջոցներից, ապավինելով սեփական խոհեմությանը. լիովին վստահում է երեխաներին և նրանց մեջ դաստիարակում իրենց բնազդներին հետևելու բնավորության գիծը:
Այդ իսկ պատճառով Անդերսոնը չի վախենում, որ իր որդիները կտարվեն թմրանյութով կամ ալկոհոլով: Նա կարևորում է ամեն ինչին չափավոր մոտեցում ցուցաբերելու հատկությունը: Գլխավորը նրա համար այն է, որ որդիներն իրենց կյանքում իրական սեր գտնեն: Իր մանկավարժական հայացքներն Անդերսոնը հրապարակել է անձնական վեբ–կայքում դեռ անցած տարի` այն վերնագրելով «Ինտուիտիվ դաստիարակություն»:
Դերասանուհին գրել է, որ իր երեխաներին սովորեցրել է վստահել և հետևել ներքին ցանկություններին, սիրել, հարգել իրենց անձը, լինել բուսակեր, չվախենալ և թույլ չտալ իրենց վախեցնել: «Ցանկանում եմ, որ նրանք անվտանգ սեքսով զբաղվեն, ալկոհոլ և թմրանյութեր օգտագործեն չափավոր, լինեն երջանիկ»,- գրել է Հոլիվուդի աստղը:
