Չինաստանը քննադատում է ԱՄՆ-ի փորձերը` Իրանի նկատմամբ կիրառել միակողմանի պատժամիջոցներ: Այս մասին այսօր գրել է չինական հեղինակավոր «Ժենմին ժիբաո» թերթը:
«Չինաստանը, առաջնորդվելով իր ներքին կանոնադրությամբ, անփոփոխ հանդես է գալիս մի կողմի փորձերի դեմ մեկ այլ պետության դեմ ու չի կարող ընդունել նման միակողմանի պատժամիջոցների տարածումը երրորդ երկրի վրա»,- նշված է պարբերականում:
«Այն, որ Չինաստանը գնում է իրանական նավթը, վերաբերում է երկու կողմերի առևտրային հարաբերություններին ու ներկայացնում է իրենից առևտրային գործարք` համապատասխան ցանկացած միջազգային առևտրային կանոններին»,- մատնանշում է թերթը` ընդգծելով, որ ամերիկյան պատժամիջոցները չեն համապատասխանում միջազգային օրենսդրությանը և չեն նպաստում իրանական միջուկային ծրագրի հարցի լուծմանը:
«Մի կողմի փորձերը` ստիպել մյուսներին, ըստ էության, արտահայտում է հեգեմոնիայի և ինքնիշխանության հակասությունը»,- գրում է թերթը` ընդգծելով, որ դրա արտահայտությունը սեփական օրենքները որպես միջազգային դիտարկելն է, այսինքն` «բոլորը պետք է ընդունեն դրանք, իսկ ով չի հասկանում՝ պատժում են»:
