Երեք մարդ է տուժել Մոսկվայի հարավ-արևելքում տեղի ունեցած փոխհրաձգության հետևանքով: Այս մասին Interfax գործակալությանը հայտնել են ՌԴ ՆԳ նախարարության մամլո ծառայությունից:
«Կիրակի առավոտյան երիտասարդը Ստավրոպոլսկայա փողոցում հարվածել է մի կնոջ, որից հետո պնևմատիկ ատրճանակից մի քանի անգամ կրակել է նրա ամուսնու ուղղությամբ»,- ասել է մամլո ծառայության աշխատակիցը:
Տղամարդն իր հերթին մի քանի անգամ տրավմատիկ ատրճանակից կրակել է երիտասարդի ոտքերի ուղղությամբ:
«Տեսնելով կատարվածը` երիտասարդի մայրը մի քանի անգամ կրակել է տղամարդու ուղղությամբ»,- ասել են մամլո ծառայությունում:
Այնտեղ հաղորդել են, որ փոխհրաձգության հետևանքով տղամարդը ձախ աչքի փափուկ հյուսվածքի և գոտկատեղի հատվածում վնասվածքով տեղափոխվել է հիվանդանոց:
Հիվանդանոց է ընկել նաև երիտասարդ խուլիգանը` գլխի վնասվածքով և աջ աչքի կոնտուզիայով:
Երկու կողմերի զենքերն առգրավվել են: Հարուցվել է քրեական գործ ՌԴ Քր. օրենսգրքի 213 կետով:
